SELAMI PAS ÇDO 4-REKATËSHI TERAVIE - JETA E VËRTETË

Numri i fetvasë: 142 SELAMI PAS ÇDO 4-REKATËSHI TERAVIE

Kategoria: NAMAZI I TERAVIVE DHE I NATËS

4 521 shfletues/klikues SELAMI PAS ÇDO 4-REKATËSHI TERAVIE

Pyetje: SELAMI PAS ÇDO 4-REKATËSHI TERAVIE

A jepet selami në namazin e teravive pas çdo 2 apo çdo 4 rekateve?

Përgjigjja: SELAMI PAS ÇDO 4-REKATËSHI TERAVIE

Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!

Së pari: Transmetimet ku referohet koha në fjalë e dhënies së selamit

Sa i përket faktit nëse selami gjatë namazit të teravive, jepet pas çdo dy rekateve apo mund të jepet edhe pas katër rekateve, çështja referohet tek forma e faljes së namazit të natës që bënte Profeti (Paqja qoftë mbi të!), mbi të cilën janë transmetuar dy hadithe kryesore:

Transmetimi i Ibn Umerit (Allahu qoftë i kënaqur me të!): “Kur të Dërguarit të Allahut (Paqja qoftë mbi të!) iu kërkua këndvështrimi i tij për rekatet e namazit të natës, ai (Paqja qoftë mbi të!) tha: ‘(Falen) Dyshe dyshe dhe nëse dikush prej jush i friket gdhirjes (sabahut), fal një rekat, duke e bërë (numër) tek, namazin që ka falur.’”¹ Kjo është edhe forma sistematike profetike e faljes së namazit të natës, e cila nxit që rekatet e namazit të natës të falen dy e nga dy rekate me një selam, pra të falen dy rekate dhe të jepet selam, pastaj të falen dy rekate të tjera dhe të jepet selam, e kështu me radhë, duke u ndarë çdo dy rekate me një selam. Pastaj në fund falet një rekat tek (vitër), me të cilin mbyllet namazi i natës.

Transmetimi i Aishes (Allahu qoftë i kënaqur me të!): “Profeti (Paqja qoftë mbi të!) falej (natën) katër (rekate), mos pyet sesa të bukur dhe të gjatë që ishin; pastaj falte katër (rekate), mos pyet sesa të bukur dhe të gjatë që ishin dhe pastaj falte (vitrin) tre (rekate).”²

Së dyti: Mendimet juridike mbështetëse për dhënien e selamit pas 4 rekatëve

Bazuar në dy transmetimet e mësipërme, dijetarët ndajnë këndvështrime të ndryshme lidhur me faktin nëse selami gjatë namazit të natës (prej të cilit është edhe ai i teravive), jepet pas çdo dy rekateve apo mund të jepet edhe pas katër rekatëve ose më shumë, si vijon:

a. Masa më e madhe e dijetarëve muslimanë (ndër të cilët edhe ata të medh’hebit hanefi) janë të mendimit, se në princip falja e namazit të teravive me katër rekate dhe një selam konsiderohet diçka e saktë (e vlefshme), por vlen të theksohet se lidhur me detajet e kësaj çështje, dijetarët e medh’hebeve ushqejnë mendime të ndryshme, siç do të sqarohet më tej.³Lexoni më tepër

b. Medh’hebi hanefi thotë se prej suneteve të teravisë është që çdo dy rekate të një TERUIJȞE (njësi katër-rekatëshe teravie), të falen më vete, pra një TERUIJȞE plotësohet duke u falur dy rekate me një selam dhe pastaj sërish dy rekate të tjerë me një selam. Gjithsesi, thuajse të gjithë jursitët hanefi thonë se lejohet pa problem që një TERUIJȞE (njësi katër-rekatëshe teravie) [madje edhe krejt teravitë] të falet me një selam të vetëm, por me kushtin që namazfalësi të qëndrojë pas rekatit të dytë sa koha e teshehudit⁵.Lexoni më tepër

c. Bashkëkohorë që mbështesin faljen e çdo 4-rekatëshi teravie me një selam

Në mbështetje të lejimit të faljes së namazit të natës (përfshirë teravinë), me katër rekate dhe një selam, kanë ardhur shumë mendime të dijetarëve bashkëkohorë, prej të cilëve edhe anëtari i Komitetit Shkencor të Sunetit (në Arabinë Saudite), Khalid Ibn Su’ud El-Belejhed, i cili lidhur me këtë çështje thotë: “Dijetarët kanë mendime të ndryshme (pro dhe kundër) në lidhje me lejimin e faljes së namazit vullnetar të natës me katër rekate të lidhura (me një selam) dhe e sakta është se kjo gjë është e lejuar, sepse nuk ka ardhur ndonjë ndalim për këtë dhe sepse hadithi i transmetuar nga Ibn Umeri [(rekatet e namazit të natës falen) Dyshe dyshe] mbartet në kontekstin e më përparësores dhe të pëlqyeshmes, jo se e tillë gjë është vaxhib (obligim).Lexoni më tepër

Sa më sipër mbështetet në faktin, se në sheriat (jurisprudencën islame) ky namaz (namazi i natës) është homolog me namazin katër rekatësh farz (të detyrueshëm) dhe atë nafile (vellnetar). Po kështu është transmetuar se Profeti (Paqja qoftë mbi të!) e ka falur namazin e vitrit 3, 5 dhe 9 rekate të pashkëputura, të cilat i ka mbyllur me një selam të vetëm. Gjithashtu, hadithi i transmetuar nga Aishja [Profeti (Paqja qoftë mbi të!) falej (natën) katër (rekate)…; pastaj falte katër (rekate)] orienton në favor të këtij fakti, prandaj nuk është e nevojshme që (hadithi në fjalë i Aishes) të përshtatet, duke qenë se kombinimi mes këtyre haditheve është lehtësisht i arritshëm. Ky kombinim është i dukshëm- falënderuar qoftë Zoti!,- pra [kombinimi në fjalë është] se falja e namazit të natës me dy rekate është sunet (traditë profetike) dhe falja e tij me katër rekate është diçka e lejuar.”⁸

Po kështu dijetari Sulejman El-Aluan thotë: “Ky hadith (i Aishes) [ku transmetohet namazi profetik i natës katër-rekatësh], është i padetajuar dhe në të nuk vjen asnjë sqarim lidhur me faktin nëse kemi [apo jo] të bëjmë me një namaz me katër rekate dhe një selam, edhe pse mundësia për këtë është e pranishme. Sa më përket mua, në dukshmërinë e këtij hadithi unë hetoj se kemi të bëjmë me një namaz katër rekatesh me një selam. E them këtë mbështetur në dukshmërinë e këtij hadithi dhe përderisa nuk kemi asnjë tekst të qartë që ta nxjerrë këtë hadith nga kuptimi i tij i dukshëm. Ndërsa hadithi i Ibn Umerit [ku transmetohet namazi profetik i natës prej dy rekatësh] nuk tregon se dhënia e selamit pas çdo dy rekateve është vaxhib (obligim), pasi vetë konteksti i tij nuk e mbështet këtë fakt, ndaj ai duhet bartur në kuptimin se kjo trajtë vjen në kuadrin e dekretimit të formës më të pëlqyeshme dhe më të përdorshme, teksa hadithet e tjera veç tij [si hadithi në fjalë i Aishes] barten në kontekstin se në raste të veçanta, e tillë gjë [falja e namazit të natës katër rekate me një selam] është sunet⁹. Adhurimet që janë transmetuar në trajta të ndryshme duhet të veprohen në tërësinë e tyre, pasi e tillë gjë është më mirë sesa kryerja e përhershme e një trajte adhurimi dhe braktisja e të tjerave… Emëruesi i përbashkët në kryerjen e këtyre trajtave të adhurimit është që të kihen parasysh dobitë, gjë që ndryshon në varësi të situatave, vendeve dhe personave. Allahu e di më mirë.”⁷

Allahu e di më mirë. SELAMI PAS ÇDO 4-REKATËSHI TERAVIE

Ju ftojmë ta shpërndani këtë postim, që të përhapet dobia e tij dhe së bashku të marrim shpërblimin e publikuesit të fjalës së mirë.

_____ SELAMI PAS ÇDO 4-REKATËSHI TERAVIE

SELAMI PAS ÇDO 4-REKATËSHI TERAVIE

El-Bukhari 472 dhe Muslimi 749. ↩
El-Bukhari 3567 dhe Muslimi 738. ↩
Shih: islamweb. ↩
El-Mexhmu’u Sherhu El-Muhedheb v. 4, f. 32. ↩
Teshehudi: Pozicion i namazit që vjen direkt pas dy sexhdeve të rekatit të dytë dhe të fundit të çdo namazi, në të cilin thuhet një thënie specifike që fillon me fjalët “ET-TEȞIJ-JAATU LIL-LAAHI… – Përshendetjet (madhërimet) i takojnë Allahut…” dhe mbaron me “dy dëshmitë islame/shehadetin”. ↩
Shih: Bedaia’ Es-Sanai’a Fi Tertibi Esh-Sheraia v. 1, f. 288-289. ↩
Ahkemu Kijami El-Lejl – Meusua’tu El-Buhuth Uel Mekalat El-Ilmije kap. 151, f. 4 – Xhemu’un Ue Ia’dadun: Ali ibn Nejif Esh-Shehud. ↩
saaid.net. ↩
Sunet: Veprim i pëlqyeshëm, kryerja e të cilit shpërblehet dhe lënia e tij nuk ndëshkohet. ↩
Ahkemu Kijami El-Lejl – Meusua’tu El-Buhuth Uel Mekalat El-Ilmije kap. 151, f. 4 – Xhemu’un Ue Ia’dadun: Ali ibn Nejif Esh-Shehud. ↩

Të afërta

Shpërndajeni Fjalën e Mirë:

Të afërta

Related Posts