PJESËT E TURPSHME TRUPORE TË GRUAS

Numri i fetvasë: 131 PJESËT E TURPSHME TRUPORE TË GRUAS

Kategoria: MBULIMI I PJESËS SË TURPSHME TË TRUPIT

4 470 shfletues/klikues PJESËT E TURPSHME TRUPORE TË GRUAS

---

 Pyetje: PJESËT E TURPSHME TRUPORE TË GRUAS

---

Cilat janë pjesët e turpshme trupore të gruas që duhen mbuluar në prani të së njëjtës gjini ose të gjinisë së kundërt?

---

 Përgjigjja: PJESËT E TURPSHME TRUPORE TË GRUAS

---

Falënderimi absolut i takon Allahut! Mëshira, lavdërimi edhe paqja qofshin mbi të Dërguarin e Allahut!

Llojet e auretit të gruas janë si vijon:

Lloji i parë: aureti i rreptë (strikt); ky hyjnë organet gjenitale dhe zona kufizuese e tyre;

Lloji i dytë: aureti mesatar; ku hyn pjesa e trupit mes kërthizës dhe gjunjëve;

Lloji i tretë: aureti i lehtë; ku hyn pjesa e trupit (përveç asaj mes kërthizës dhe gjunjëve) që mbetet zakonisht (bazuar në zakonet normale dhe traditat e arsyeshme të grave) e zbuluar nga gruaja në shtëpinë e saj.

Kurse më tej, në lidhje me pyetjen e parashtruar, thuhet sa vijon:

Së pari: Aureti i gruas muslimane para burrave

a. Aureti i gruas muslimane në prani të mahremit¹ të sajLexoni më tepër

Pikërisht lloji i tretë i lartpërmendur (aureti i lehtë), është ai që përbën mendimin më parësor të juristëve muslimanë, lidhur me çfarë i i lejohet gruas të zbulojë para mahremit të saj (mashkullit me të cilin kësaj gruaje i ndalohet përjetësisht martesa); pra asaj i lejohet të zbulojë para këtij të fundit vetëm çfarë mban përgjithësisht (kryesisht) zbuluar nga trupi i saj në shtëpinë e saj², më konkretisht: fytyrën, kokën (flokët), fytin, dy duart (pëllëmbët) përfshirë parakrahët dhe dy këmbët (nga nyjat e poshtë) përfshirë pjesën e poshtme të kërcirit dhe nuk lejohet që të zbulojë pjesët e turpshme si kraharorin dhe gjoksin (gjirin), edhe nëse këto të fundit (kraharori dhe gjoksi) nuk shikohen nga mahremi me epsh dhe nuk ka rrezik për sprovim. Ndërsa në rastin e vërtetimit se dikush nga mahremët e një gruaje e shikon atë me epsh apo ka rrezik për sprovim, atëherë, detyrimisht, gruaja vishet – dhe mahremi nuk shikon –, aq sa eliminohet parja me epsh dhe sprovimi.Lexoni më tepër

b. Aureti i gruas muslimane në prani të jomahremëve të saj

Në mjediset ku ka meshkuj që s’janë mahremë (pra s’janë prej atyre me të cilët kësaj gruaje i ndalohet përjetësisht martesa), auret i gruas myslimane (pjesë e turpshme trupore e saj) është i gjithë trupi i saj, ku përjashtim bëjnë fytyra (ku duhet të theksohet fakti se të gjithë dijetarët muslimanë theksojnë se gusha duhet të mbulohet, pasi ajo nuk është pjesë e fytyrës), dy duart (dy pëllëmbët) dhe dy këmbët (nga nyjat e poshtë), nëse nuk rrezikohet rënia e gruas në sprovë, ku më konkretisht, disa dijetarë muslimanë janë shprehur se me termin “sprovë”, nënkuptohet prania e një shkaku konkret për rënien e femrës në veçim/vetmim, shtrëngim, puthje apo ngacmim seksual, prej një burri të huaj dhe ngjashëm.Lexoni më tepër

Së dyti: Aureti i gruas muslimane para grave

a. Aureti i gruas muslimane në prani të gruas muslimane

Mendimi më parësor është ai i shumicës së dijetarëve muslimanë (përfshirë mendimin më të saktë të medh’hebit hanefi), të cilët janë të mendimit se aureti i gruas muslimane në prani të gruas muslimane, është njëjtë si ai i burrit në prani të burrit, pra është pjesa e saj trupore nga poshtë kërthizës deri sipër gjurit. Por shikimi i kësaj pjese trupore ndër gratë muslimane, lejohet vetëm nëse nuk shoqërohet me epsh dhe nuk ka rrezik sprovimi (sikurse në rastin e pranisë së grave ta mbrapshta që ndoshta e fotografojnë gruan muslimane dhe e përshkruajnë atë tek burrat e tyre apo ngjashëm).Lexoni më tepër

b. Aureti i gruas muslimane në prani të gruas jomuslimane

Në lidhje me auretin e gruas muslimane në prani të gruas jomuslimane, shumica e dijetarëve muslimanë (përfshirë medh’hebin hanefi⁸) janë të mendimit se ai është njëjtë si aureti i muslimanes në prani të një burri të huaj që nuk është mahrem i saj, pra sipas këtij mendimi, muslimania duhet të rrijë e veshur me hixhab para jomuslimanes, përveçse në rast nevoje apo domosdoshmërie.

Teksa një tjetër mendim (që përbën një mendim të medh’hebit shafi’i, imam Ahmedit, mendimin e shquar të medh’hebit hanbeli, mendimin e Ibn Bazit etj.), është se aureti i gruas muslimane në prani të gruas jomuslimane, është njëjtë si aureti i saj në prani të gruas muslimane; duke u kushtëzuar mosprania e shikimeve epshore femërore dhe rrezikut të sprovimit. Lexoni më tepër

Allahu e di më mirë. PJESËT E TURPSHME TRUPORE TË GRUAS

Ju ftojmë ta shpërndani këtë postim, që të përhapet dobia e tij dhe së bashku të marrim shpërblimin e publikuesit të fjalës së mirë.

_____ PJESËT E TURPSHME TRUPORE TË GRUAS

PJESËT E TURPSHME TRUPORE TË GRUAS